Monday, 4 December 2017

Panya na mende ni tatizo Ikulu ya White house Marekani

Panya na mende ni tatizo kubwa katika ikulu ya Whotehouse nchini Marekani
Image captionPanya na mende ni tatizo kubwa katika ikulu ya Whotehouse nchini Marekani
Panya, mende, wadudu na vyoo vilivyovunjika ni miongoni mwa vitu vingi vilivyoripotiwa kwa wafanyikazi wa kufanya marekebisho katika ikulu ya Whitehouse nchini Marekani.
Ripoti ya vitu vinavyofaa kurekebishwa katika ikulu ya White house iliopatikana na chombo cha habari cha NBC Washington ilishirikisha ripoti nyengine ya mwaka uliopita kutoka kwa utawala wa rais Obama.
Panya wanadaiwa kuonekana katika chumba cha kulia cha maafisa wa jeshi la wanamaji.
Walionekana katika majengo, kulingana na Brian Miller, aliyekuwa inspekta jenerali wa kikosi cha huduma za jumla ambacho husimamia marekebisho katika jumba hilo la rais.
''Mtu yeyote kati yetu ambaye anamiliki nyumba ya zamani anajua kwamba inahitaji kazi nyingi''.
Mende walikuwa tatizo katika chumba cha kulia huku wadudu wakionekana katika nyumba anayoishi afisa mkuu wa jeshi kulingana na ripoti hiyo.
Wadudu na mende pia walionekana katika chumba cha wanahabari.
Mbali na kukabiliana na wadudu ,ripoti hiyo ya marekebisho ya Ikulu inaonyesha kazi nyingi zilizohitajika kufanyika baada ya utawala mpya kuingia mwanzoni mwa mwaka huu.

Post a Comment

Whatsapp Button works on Mobile Device only

Start typing and press Enter to search