Tuesday, 29 May 2018

SPIKA WA BUNGE JOB NDUGAI AMJIBU MBOWE


Spika wa Bunge la Jamhuri ya Muungano wa Tanzania Job Ndugai amesema Lawama za Mwenyekiti wa CHADEMA hazina maana kwakuwa kiongozi huyo hakuwepo nchini kipindi Mbunge wa Buyungu Kasuku Bilago anaumwa mpaka kuzidiwa na bunge kumsafirisha kutoka Dodoma mpaka Muhimbili kwa matibabu. 
Akizungumza kwa njia ya simu kwenye kipindi cha East Afrika Breakfast, kinachorushwa na East Afrika Radio, Spika Ndugai amesema ni vema akatafutwa mke wake ili aelezee namna ambavyo Bunge limejitahidi kumtunza Marehemu, Tangu akiwa Dodoma, ikiwemo kusimamia gharama za matibabu yake pamoja nakumtunza mke wake.

“Mimi nafikiri mumtafute mke wake, yeye ndio anaweza kuwaeleza ana shukrani kiasi gani kwa Bunge, ambao ndio tumemtunza tangu anaugua kule Dodoma, ambao ndio tumelipa gharama zote za matibabu, ambao ndio tumekodisha ndege kutoka Dodoma kumleta Dar es salaam mpaka Muhimbili, ambao ndio tumemtunza Muhimbili muda wote, mpaka amefariki mikononi mwetu tukiwa tunamtunza mgonjwa na mke wake, ukishafanya yote hayo halafu mtu mwishoni anakuja , yaani hakuwepo alikuwa nje ya nchi, anasema kwamba wewe hakuna ulichokifanya, sasa wewe ujibuje, siuseme tu Haleluya Inatosha.” Alisema Spika Ndugai.


Haya yanakuja ikiwa ni siku moja imepita Tangu mwenyekiti wa CHADEMA Freeman Mbowe atoe tuhuma kwa Bunge nakudai kuwa halijashiriki ipasavyo katika kumuhudumia Marehemu, Bwana Mbowe ameyasema hayo katika viwanja vya Karimjee, jijini Dar es salaam wakati wakuuaga mwili wa Marehemu Bilago kabla yakupelekwa Bungeni Mjini Dodoma.

Post a Comment

Whatsapp Button works on Mobile Device only

Start typing and press Enter to search